Happy Fathers Day


Badhte badhte rahon mein,

Kuch yaadein yaad aai,

Kaise hume hamesha yaad rahi humari Maa?

Kaise hum bhul gaye unko hain hum jinki parchai?


Maa ka khaana khilana to yaad hai,

Papa ke paison se vo ghar chalana bhul gaye hai

Maa ka vo saath khelna to yaad hai,

Papa ka vo khilone dilwana bhul gaye hai

Maa ka bukhaar mein dawa khilana to yaad hai,

Papa ka vo raat bhar ghumkar godh mein sulana bhul gaye hai

Maa ka vo galat baat pe papa se bachana to yaad hai,

Papa ka vo sahi baat pe peeth thapthapana, bhul gaye hai

Maa ka vo mujhe har baat pe inkaar karna to yaad hai,

Papa ka vo meri hare ek khwaaish pe ikraar karna bhul gaye hai

Ghar se dur jate hue maa ka vo aansun bahana to yaad hai,

Papa ka vo dil se bhavuk ho jaana bhul gaye hai

Papa se “maa kaha hai” vo puchna to yaad hai,

Par  maa se “papa kaha hai” vo kab pucha tha vo bhul gaye hai


Bachpan se jawani tak,

Maa ka vo har ek dulaar yaad hai

Par Papa ke vo har ek pyaar bhul gaye hai.


Vo  jinhone hume apna sapna banaya hai,

Humare sapnon ko apni aankhon mein sajaya hai,

Ghar aate hi pehle pucha humare baarein mein,

Khaana khane se pehle  socha humare bare mein

Humare jivan ki naiya ke maanjhi hai vo,

Humari zindagi unki wajah se bani hai

Apne aap ki khushiyon ko bhula hai unhone,

Humare chehre pe hasi unhi ki wajah se saji hai

Ajnabi nai the kabhi hum unke pyaar se,

 Bas thode bahot naadan the,

Unki apnepan se hum,

Bas thoda anjaan the

Aaj,

Yaad aa rahi hai unki baatein,

Unki yaadein yaad aa rahi hai,

Sang bitai thi jo khati meethi shararatein,

Vo shararatein yaad aa rai hai,

Nai bhule aapko kabhi hum unhe,

Na hi kabhi unhone hume pyaar ki kami karai hai

Hume to humesha Apni shakshiyat main

Unki hi ki chavi nazar aai hai

                                                                           @ramta jogi

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s